لاہور(یو این پی ) الیکشن ٹربیونل کی طرف سے قومی اسمبلی کے حلقہ این اے 122 سے متعلق تفصیلی فیصلہ آج ( پیر ) کو جاری ہونے کا امکان ہے جس کے بعد فریقین کو فیصلے کی تصدیقی کاپیاں فراہم کی جائیں گی ۔ تصدیقی کاپی ملنے کے بعد (ن) لیگ ٹربیونل کے فیصلے کو سپر یم کورٹ میں چیلنج کرے گی ۔ یاد رہے کہ ہفتہ کے روز الیکشن ٹربیونل لاہور نے پاکستان تحریک انصاف کے چیئرمین عمران خان کی طرف سے دائر انتخابی عذر داری منظور کرتے ہوئے اسپیکر قومی اسمبلی سردار ایاز صادق کے انتخاب کو کالعدم قرار دے دیدیا تھا جبکہ ذیلی حلقہ پی پی 147میں بھی 60روز میں دوبارہ انتخاب کرانے کا حکم جاری کیا تھا۔