ملک کے بیشتر علاقوں میں گرمی کی شدت برقرار رہنے کی پیشگوئی

اسلام آباد(یو این پی)محکمہ موسمیات کا کہنا ہے کہ آئندہ چوبیس گھنٹوں کے دوران ملک کے بیشتر علاقوں میں گرمی کی شدت برقرار رہے گی جبکہ بیشتر علاقوں میں موسم خشک رہنے کا امکان ہے، محکمہ موسمیات کے مطابق آئندہ دو سے تین روزکے دوران ملک کے بیشترمیدانی علاقوں میں موسم گرم اورخشک رہنے کا امکان ہے،کراچی میں موسم خوشگوار اور مطلع ابر آلود ہے،،تاہم خیبر، کرم، اورکزئی، مہمند، باجوڑ ایجنسیزاورڑوب ڈویڑن میں چند مقامات پربارش کا امکان ہے،، گزشتہ روز سب سے زیادہ بارش خضدارمیں پندرہ ملی میٹرریکارڈ کی گئی،،،تاہم گزشتہ روزسب سے زیادہ درجہ حرارت نوکنڈی میں چھیالیس ڈگری سینٹی گریڈ رہا۔