پارلیمنٹ کی موجودگی تک وزیراعظم کو کوئی نہیں ہٹاسکتا، خورشید شاہ

Published on September 16, 2015 by    ·(TOTAL VIEWS 342)      No Comments
999
کراچی(یو این پی) قومی اسمبلی میں قائد حزب اختلاف اور پیپلز پارٹی کے مرکزی رہنما سید خورشید شاہ نے کہاہے کہ وزیراعظم نواز شریف کے مطابق کچھ لوگ انہیں ہٹانا چاہتے ہیں اور ایسا ہو بھی سکتا ہے لیکن پارلیمنٹ اور جمہوریت کی موجودگی تک کوئی نہیں جاسکتا بدھ کے روز تقریب سے خطاب کے دوران خورشید شاہ نے کہا کہ بھتہ خوری اوردہشت گردی کے خاتمے کی اب ملک میں بات ہورہی ہے لیکن اس جڑ تک آج تک کوئی نہیں پہنچا وہ کسی پر تنقید نہیں کررہے بلکہ تاریخی حقائق سامنے رکھ رہے ہیں۔ 30 برس بعد پتا چلا کہ ایم کیو ایم کو پیدا کرنے والا کون ہے کرپشن کی لعنت کو پاکستان سے ہرصورت ختم ہونا چاہئے لیکن اس کے خلاف کارروائی بلا تفریق ہونی چاہیے۔ کرپشن اوردہشت گردی کا الزام سیاست دانوں پر لگانا ظلم ہے اس امراض کی تحقیقات کی جائے کہ یہ کب اور کہاں سے آئے ان کی جماعت کی لیڈر بے نظیربھٹو نے دہشت گردی کے خلاف جنگ شروع کی۔انہوں نے دہشت گردوں کے ساتھ لڑتے لڑتے شہادت پائی لیکن کسی نے ان کا نام نہیں لیا۔پیپلز پارٹی کے رہنما کا کہنا تھا کہ وزیراعظم نواز شریف دیوار کی دوسری طرف دیکھنے کی صلاحیت نہیں رکھتے۔ انہوں نے کہا کہ کچھ لوگ انہیں ہٹانا چاہتے ہیں ایسا ہو بھی سکتا ہے لیکن پارلیمنٹ اور جمہوریت کی موجودگی تک کوئی نہیں جاسکتا۔خورشیدشاہ نے کہا کہ ایک وقت تھا جب کوئی جج دہشت گرد کا کیس سننے کو تیار نہیں تھا ملک کی سیاسی جماعتوں نے فوجی عدالتوں کا قانون منظور کیا کیونکہ سیاسی جماعتوں کو ملک کی خاطر کڑوے فیصلے کرنا پڑتے ہیں، وطن کوبچانا صرف فوج کی ذمہ داری نہیں بلکہ اس ملک کے 20 کروڑعوام کی بھی ہے۔ پاک فوج کے سربراہ جنرل راحیل شریف کی ساری دنیا تعریف کرتی ہے سیاست دانوں کو بھی ان کی تعریف پر خوش ہونا چاہئے۔
Readers Comments (0)




Weboy

Free WordPress Themes