لاہور( یوا ین پی)شہید ملت نوابزادہ لیاقت علی خان کا 120واں یوم ولادت کل (جمعرات )کے روز منایا جائے گا۔ اس دن کی مناسبت سے مختلف مقامات پر خصوصی تقریبات ، کانفرنسز ، مذاکروں ، مباحثوں اور سیمینارز کا اہتمام کیا جائے گا جس میں مختلف مکاتب فکر سے تعلق رکھنے والی شخصیات شرکت کر کے ان کی ملکی و ملی اور قومی خدمات کو شاندار الفاظ میں خراج عقیدت پیش کریں گی ۔ شہید ملت نوابزادہ لیاقت علی خان تحریک پاکستان کے عظیم رہنما ، بانی پاکستان حضرت قائد اعظم محمد علی جناح ؒ کے انتہائی معتمد ساتھی اور پاکستان کے پہلے وزیر اعظم تھے ۔ انہیں16اکتوبر 1951ء کو راولپنڈی میں ایک عوامی اجتماع سے خطاب کے دوران فائرنگ کر کے شہید کر دیا گیاتھا ۔