وہاڑی(یواین پی)ڈسٹرکٹ کوارڈینیشن آفیسر وہاڑی ناصر جمال ہوتیانہ نے کہا ہے کہ دین اسلام میں صفائی کو نصف ایمان کا درجہ حاصل ہے لیکن بدقسمتی سے ہم روزمرہ معاملات میں اپنے نصف ایمان کو اہمیت نہیں دیتے جس کے نتیجہ میں حفظان صحت کے مسائل جنم لیتے ہیں اس لیے معاشرے میں صفائی اپنانے کا شعور اجاگر کرنے کی اشد ضرورت ہے یہ بات انہوں نے پنجاب حکومت اور پلان پلان پاکستان کے اشتراک سے واش پروگرام کے تحت خصوصا دیہی عوام میں صفائی کا شعور اجاگر کرنے کی مہم کا جائزہ لینے کے سلسلہ میں پلان پاکستان کے غیر ملکی وفد کے ساتھ اجلاس سے خطاب کرتے ہوئے کہی اجلاس میں غیر ملکی وفد کے پال کروفورڈ،آسٹریلیا فارن افیئر اینڈ ٹریڈ محکمہ کے مانیٹرنگ ایویلیو ایشن پینل کے ممبر ، جان کیلہر ، ایکسیئن پبلک ہیلتھ شاہد بلال، نعیم طارق، ڈی او سوشل ویلفیئر رائے اختر اظہر، ڈی او ایچ ڈاکٹر نعیم صادق ملہی ، پلان پاکستان کے پروگرام یونٹ مینجر عمران جاوید سماجی کارکن میاں جہانزیب اور دیگر افسران موجود تھے ڈسٹرکٹ کوارڈینیشن آفیسر ناصرجمال ہوتیانہ نے غیر ملکی وفدکے نمائندوں کو بتایا کہ پنجاب حکومت سالانہ ترقیاتی پروگرام کے ذریعے دیہی عوام کو بنیادی سہولیات کی فراہمی پر خطیر رقم خرچ کر رہی ہے وہاڑی ضلع ایک ایسے زون میں واقع ہے جہاں زیر زمین پانی نمکین اور ناقابل استعمال ہے حکومت پینے کے صاف پانی کی فراہمی کے لیے کوشاں ہے لیکن محدود وسائل کے باوجود ترجیحات طے کرنا پڑتی ہیں اجلاس کو بتایا گیا کہ وہاڑی میں 779دیہات میں سے546دیہات اب بھی ایسے ہیں جہاں عوام کو صفائی کے بارے میں شعور دینے کی ضرورت ہے جبکہ باقی دیہات میں محکمہ پبلک ہیلتھ انجینےئرنگ ، محکمہ سوشل ویلفےئر، محکمہ صحت پلان پاکستان کے تعاون سے آگاہی مہم چلا رہے ہیں اجلاس کو بتایا گیا کہ دیہی عوام خصوصی طور پر تعلیمی اداروں میں بچوں ٹائلٹ استعمال کرنے اور اس کے بعد صابن سے ہاتھ دھونے کی ترغیب دی جا رہی ہے دیہات میں غربت کے باعث متعدد افراد گھر میں ٹائلٹ بنانے کی استطاعت نہیں رکھتے ایسے افراد کے لیے معاشرے کے مخیر افراد کا تعاون حاصل کرنے کی کوششیں جاری ہیں اجلاس کو بتایا گیا کہ پلان پاکستان کی طرف سے صفائی بارے شعور اجاگر کرنے اور اس بارے میں ضروری مدد کے لیے ہر ممکن تعاون کیا جائے گا تاکہ عوام حفظان صحت کے اصولوں کے مطابق صاف ستھرا ماحول میسر آ سکے