اسلام آباد: (یو این پی) تحریک انصاف نے بھارتی وزیراعظم نریندر مودی کے دورہ پاکستان کا خیر مقدم کیا ہے۔ عمران خان کا کہنا ہے کہ بھارتی وزیراعظم نریندر مودی کا دورہ پاکستان خوش آئند ہے۔ دونوں ممالک کے سربراہان کے درمیان ملاقاتوں سے باہمی تعلقات پر مثبت اثرات مرتب ہونگے۔ خطے میں پائیدار امن کے قیام کیلئے پاک بھارت تعلقات میں بہتری ناگزیر ہے۔ اعلیٰ سطح پر تعلقات میں بہتری لا کر دیرینہ مسائل کے حل کی جانب پیشرفت کی جانی چاہیے۔ عمران خان کا کہنا ہے کہ دونوں جانب کی قیادت کو تصفیہ طلب مسائل کے حل کیلئے سرگرمی دکھانا ہوگی۔ پاک بھارت وزرائے اعظم کی ملاقاتوں کو اقوام عالم بھی مثبت انداز میں دیکھتی ہیں۔ چیئرمین پی ٹی آئی کا کہنا ہے کہ دورہ بھارت کے دوران وزیراعظم مودی کو دورہ پاکستان کی دعوت دی تھی۔