بلاول بھٹو کی جناح اسپتال لاہور آمد، گلشن اقبال پارک دھماکے کے زخمیوں کی عیادت

لاہور(یو این پی)پاکستان پیپلز پارٹی کے سربراہ بلاول بھٹو زرداری لاہور میں گلشن اقبال پارک کے زخمیوں کی عیادت کے لیے جناح اسپتال پہنچے اور ہر ممکن مدد کی یقین دہانی بھی کروا دی۔ سائیں کہتے ہیں دہشت گردی کے خلاف پوری قوم متحد ہے۔پیپلز پارٹی کے چئیرمین بلاول بھٹو زرداری وزیر اعلی سندھ قائم علی شاہ کے ہمراہ دوپہر کو لاہور پہنچے ائیر پورٹ سے سیدھا جناح اسپتال گے۔ اسپتال میں زخمیوں کی عیادت کی اور بچوں سے سوالات بھی کرتے رہے۔ بلاول بھٹو کی اسپتال آمد کے موقع پر پیپلز پارٹی کے کارکنان اور سیکورٹی اہلکاروں کے درمیان دھکم پیل بھی ہوئی۔ وزیر اعلی سندھ قائم علی شاہ بھی زخمیوں کی عیادت کے بعد میڈیا سے گفتگو کرنے پہنچے لیکن بد نظمی کی وجہ سے زخمیوں کے لیے امداد کا اعلان کیا اور چلتے بنے ۔ پیپلز پارٹی کے رہنماں کے آمد کی وجہ سے اسپتال میں مریضوں کے لواحقین کو شدید مشکلات کا سامنا رہا۔