لاہور ائیرپورٹ پر طیارے میں بیٹھے مسافر سے ہیرؤین بھرا بیگ برآمد

لاہور… قومی ایئرلائن کی بیرون ملک جانے والی پرواز کے مسافر سے ہیروئن سے بھرا بیگ برآمد کر لیا گیا۔لاہور میں علامہ اقبال انٹرنیشنل ائیرپورٹ پر پی آئی اے کی پرواز پی کے 203 سے دبئی جانے والے مسافرعلی عرفان سے ہیروئن سے بھرا بیگ برآمد کرلیا گیا۔ایئرپورٹ ذرائع کا کہنا ہے کہ ہیروئن سے بھرا بیگ اور مسافر دونوں کو طیارے کے اندر سے حراست میں لیا گیا۔ حکام کا کہنا ہے کہ اس بات کی تحقیقات کا آغاز کردیا گیا ہے کہ ہیروئن سے بھرا بیگ کس طرح جہاز کے اندر تک پہنچا جب کہ واقعہ میں ملوث افراد اورسہولت کاروں کی گرفتاری کے لئے بھی تحقیقات شروع کر دی گئی ہیں۔