چوہدری نثار نے بھی عمران خان کی تعریف کردی

اسلام آباد (یو این پی)چوہدری نثار بھی عمران خان کی تعریف کئے بغیر نہ رہ سکے، بولے کہ کپتان کا فیصلہ ایک سیاستدان کا فیصلہ ہے، ان کا اب بھی احترام کرتا ہوں۔وفاقی وزیر داخلہ چوہدری نثار علی خان نے پریس کانفرنس میں جہاں پی ٹی آئی پر تنقید کی وہیں عمران خان کی تعریف کئے بغیر بھی نہ رہ سکے، بولے کہ کپتان کا احترام کرتا ہوں، خان صاحب آج کا آپ کا فیصلہ ایک سیاستدان کا فیصلہ ہے۔وہ کہتے ہیں کہ عمران خان کے ساتھ 45 سال سے تعلق ہے، دھرنے کے بعد وہ ختم ہوگیا، عمران خان! نہ میں عقل کل ہوں نہ آپ عقل کل بنیں، میرا ضمیر مطمئن ہے۔