کوئٹہ سمیت بلوچستان کے متعدد حصوں میں موسم سرما کی پہلی برف باری

کوئٹہ(یوا ین پی)کوئٹہ سمیت بلوچستان کے متعدد حصوں میں ہفتہ کو موسم سرما کی پہلی برف باری ہوئی۔ نجی ٹی وی چینل کی رپورٹ کے مطابق کوئٹہ میں بارشوں اور برف باری کی وجہ سے درجہ حرارت مزید کم ہو گیا ہے اور سردی شدت اختیار کر گئی ہے،زیارت میں برف باری کے بعد برف کی سطح دو انچ ریکارڈ کی گئی ہے جس کی وجہ سے کئی راستے بند ہو گئے ہیں اور لوگوں کو مشکلات کا سامنا ہے،قلات میں موسم کی پہلی برف باری کے بعد برف کی سطح سات انچ ریکارڈ کی گئی جبکہ ژوب میں بھی برف باری ہوئی ہے۔