بیجنگ (یوا ین پی )چین نے ایک بارپھرواضح کیاہے کہ وہ پاکستان کی قومی سلامتی اور عوام کے تحفظ کیلئے ہمیشہ اس کے شانہ بشانہ رہے گا۔چینی صدرشی جن پنگ نے اپنے پاکستانی ہم منصب ممنون حسین کے نام پیغام میں بلوچستان میں درگاہ شاہ نورانی پردہشت گردی کے حالیہ حملے کی مذمت کی اورجانی نقصان پرچین کی حکومت اورعوام کی طرف سے ہمدردی کااظہارکیا۔انہوں نے کہاکہ چین ہرطرح کی دہشت گردی کے خلاف ہے اوردہشت گردی کے حملے کی مذمت کرتاہے۔انہوں نے واضح کیاکہ چین دہشت گردی سے نمٹنے ،قومی سلامتی اورعوام کے تحفظ کی کوششوں میں پاکستان کیساتھ کھڑاہے اورہمیشہ اس کے شانہ بشانہ رہے گا۔