بختاور بھٹو کی سالگرہ پر دوستوں ، اہلخانہ کی مبارکبادیں

کراچی (یو این پی)شہید محترمہ بینظیر بھٹو کی صاحبزادی بختاور بھٹو زرداری کی 27 ویں سالگرہ پر دوستوں ، پارٹی کارکنوں اور عوام کی جانب سے مبارکبادوں کے پیغامات کا تانتا بندھا رہا ، موبائل فون ، فیس بک ، ٹوئٹر اور تہنیتی کارڈز کے ذریعے کارکنوں ، بختاور بھٹو کے دوستوں اور عزیز و اقارب کی بڑی تعداد نے ان کی سالگرہ کے موقع پر پیغامات ارسال کئے ۔ صبح سے شام تک موصول ہونے والے ان گنت پیغامات اور انعامات کی وجہ سے بلاول ہائوس میں تحائف اور پھولوں کے ڈھیر لگ گئے ۔ بختاور بھٹو زراری نے اپنی سالگرہ کی خوشیوں میں شریک ہونے والے پارٹی کارکنوں ، دوستوں اور اہلخانہ کا دل کی گہرائیوں سے شکریہ ادا کیا ہے اور اپنی شہید والدہ کے مشن کو جاری رکھنے کا اعلان کیا ہے ۔