ڈاکٹر عاصم کی رہائی سے انتقام کی سیاست کو شکست ہوگئی، زرداری

کراچی (یوا ین پی)پیپلزپارٹی کے چیئرمین بلاول زرداری اور پیپلزپارٹی پارلیمنٹرین کے صدر آصف علی زرداری نے ڈاکٹر عاصم کی ضمانت پر رہائی پر خوشی کا اظہار کیا ہے۔بلاول کا یوا ین پی سے کہنا ہے کہ انیس ماہ تک تخت رائیونڈ کے قیدی رہنے والے ڈاکٹر عاصم حسین نے انتہائی بہادری سے قید کاٹی ، ڈاکٹر عاصم حسین نے تخت رائے ونڈ کی قید ذہنی و جسمانی صعوبتیں برداشت کیں،جھوٹے و خود ساختہ مقدمات ڈاکٹر عاصم حسین کو توڑ نہ سکے ، بلاول بھٹو کا کہنا ہے کہ ڈاکٹر عاصم حسین نے انتہائی کمزور صحت کے باوجود انتہائی مشکل حالات کو خندہ پیشانی سے سامنا کیا،وفاقی حکومت کی انتقامی کاروائیاں پی پی پی رہنماں و کارکنان کو خوفزدہ نہیں کرسکتیں۔آصف علی زرداری نے کہا کہ ڈاکٹر عاصم حسین نے جرات سے تمام صورتحال اور بے بنیاد مقدمات کا سامنا کیا ، ڈاکٹر عاصم کی ضمانت پررہائی سے انتقام کی سیاست کو شکست ہوئی۔