اگر آپ روزانہ صرف 22 منٹ پیدل چلیں تو دن بھر صحت کیلئے نقصان دہ سمجھی جانے والی یہ لذیذ چیزیں دل بھر کر کھاسکتے ہیں‘ سائنسدانوں نے صحت مند رہنے کا راز بتادیا

Published on April 27, 2017 by    ·(TOTAL VIEWS 442)      No Comments

  ’ نیویارک (یو این پی) مصنوعی کوکنگ آئل اور اس نوع کی دیگر مصنوعات بنانے والی کمپنیاں اور ان کے حمایتی ڈاکٹر کئی دہائیوں سے لوگوں کو مکھن اور بالائی جیسی غذاﺅں سے ڈراتے رہے ہیں۔ ان غذاﺅں کو کولیسٹرول اور بلڈ پریشر سے لے کر دل کی بیماری تک ہرخطرناک مسئلے کے ساتھ جوڑا جاتا رہا ہے، لیکن ممتاز سائنسدانوں کی ایک ٹیم نے ان دعوﺅں کو بے بنیاد قرار دے کر رد کر دیا ہے ۔یو این پی  کے مطابق برطانوی ماہر ڈاکٹر اسیم ملہوترا کی قیادت میں تحقیق کرنے والی ٹیم کا کہنا ہے کہ سیچوریٹڈ چکنائی کے متعلق یہ نظریہ بالکل غلط ہے کہ اس کی وجہ سے شریانوں میں رکاوٹ پیدا ہوتی ہے اور یہ دل کی بیماری کا سبب بنتی ہے۔ ان کا کہنا ہے کہ اگر آپ روزانہ 22 منٹ پیدل چلیں تو مکھن اور بالائی جیسی غذا کا آپ کو کوئی نقصان نہیں ہوتا، بلکہ فائدہ ہوتا ہے۔تحقیق کاروں، جن میں لسٹر ہسپتال کے ڈاکٹر ملہوترا کے علاوہ یونیورسٹی کالج لندن کے پاسکل مائر اور امریکی کارڈیالوجسٹ پروفیسر ریٹا ریڈبرگ بھی شامل تھیں، نے برٹش جنرل آف سپورٹس میڈیسن میں شائع ہونے والے مضمون میں لکھا ہے کہ سیچوریٹڈ چکنائی کی وجہ سے شریانوں میں رکاوٹ پیدا ہونے کا نظریہ غلط اور بے بنیاد ہے۔ ان کا کہنا ہے کہ سیچوریٹڈچکنائی کی مناسب مقدار رکھنے والی غذائیں، مثلاً مکھن، پنیر اور بالائی، آپ کیلئے نقصان دہ نہیں ہیں۔ اسی طرح زیتون کے تیل اور خشک میوہ جات میں پائی جانے والی چکنائی تو بہت فائدہ مند ہے اور ہارٹ اٹیک کے خطرے کو کم کرتی ہے۔تحقیق کرنے والے سائنسدانوں کا کہنا ہے کہ چکنائی کے متعلق عوام الناس کو دی جانے والی ہدایات میں تبدیلی کی ضرورت ہے۔ دل کی بیماری کو روزانہ 22 منٹ کی چہل قدمی سے دور بھگایا جاسکتا ہے، جبکہ اس کیلئے یہ بھی ضروری ہے کہ گھر میں پکا ہوا صحت بخش کھانا بھی کھایا جائے۔ تحقیق کے مطابق روزانہ 22 منٹ باقاعدگی سے واک کرنے سے اوسط عمر میں ساڑھے تین سے ساڑھے چار سال کا اضافہ ہوسکتاہے۔ڈاکٹرملہوترا کا مزید کہنا تھا کہ دنیا بھر کے ڈاکٹر چکنائی کے پیچھے پڑگئے ہیں لیکن اصل مسئلہ بازاری اور تیار کھانے ہیں۔ بازاری کھانوں، ریفائن کاربوہائیڈریٹ والی غذاﺅں سے پرہیز کرنے اور گھر میں پکا ہوا سادہ کھانا کھانے سے صرف عمومی صحت ہی بہتر نہیں ہوتی بلکہ دل کی بیماری سے بھی محفوظ رہا جاسکتا ہے۔

Readers Comments (0)




WordPress主题

Free WordPress Themes