روس نے پہلی روبوٹک ٹی وی پریزنٹر متعارف کروادی

ماسکو…اب روبوٹ انسانوں کے انٹرویو کرتے نظر آئینگے،روس نے پہلی روبوٹک ٹی وی پریزنٹر متعارف کروادی۔جدید ٹیکنالوجی کے اس دور میں ہر میدان میں روبوٹ انتہائی تیزی سے انسانوں کی جگہ لیتے نظر آرہے ہیں۔ روبوٹ کے بڑھتے ہوئے رجحان کو مد نظر رکھتے ہوئے روس میں پہلی بار روبوٹک ٹی وی پریزنٹر متعارف کروادی گئی ہے۔ٹیوما ارمن نامی پریزنٹر کی روبوٹک کاپی نہ صرف اپنا سر مکمل طور پر ہلانے جلانے کی صلاحیت رکھتی ہے بلکہ بھنوئیں اْچکاتی بھی نظر آتی ہے۔اس نئی ایجاد کے بعد اب وہ وقت دور نہیں جب ٹی وی پر روبوٹ ہی انسانوں کے انٹرویو کرتے نظر آئیں گے۔