چھ اور آٹھ سال کی عمر کے دو بچے لاپتہ ہوگئے

سیالکوٹ (یوا ین پی) ماڈ ل تھانہ سمبڑیال کے علاقہ سے چھ اور آٹھ سال کی عمر کے دو بچے لاپتہ ہوگئے جن کے لاپتہ ہونے کا پولیس نے مقدمہ درج کرکے تلاش شروع کردی ہے ،پولیس رپورٹ کے مطابق ارشدعلی کا بیٹا چھ سالہ علی حمزہ اور فاروق حیدر کا آٹھ سالہ بیٹا ذیشان حیدر گھر سے باہر کھیلتے ہوئے لاپتہ ہوگئے اور ان کاتاحال کوئی سراغ نہ مل سکا ہے ، ایس ایچ او انسپکٹر سیف اللہ ورک کے مطابق بچوں کو نہر کی طرف جاتے متعدد افرادنے دیکھا ہے اور مقدمہ درج کرکے لاپتہ ہونے والے دونوں بچوں کی تلاش کیلئے کاروائی شروع کردی ہے ،تاحال ان کا کوئی سراغ نہ مل سکا ہے ،لاپتہ لڑکوں کے والدین نے ان کے اغوا کا خدشہ ظاہر کیا ہے اور انہیں تلاش کرکے برآمد کرنے کا مطالبہ کیا ہے ۔