مانگا منڈی :شوہر نے تشدد سے بیوی مار ڈالی ، ملزم گرفتار

لاہور (یو این پی) مانگا منڈی کے علاقہ الخالد ٹاؤن میں شوہر نے بیوی ریحانہ کو بہیمانہ تشدد کا نشانہ بنا ڈالا جس سے وہ دم توڑ گئی ۔پولیس کے مطابق انہیں خفیہ اطلاع ملی کہ ملزم اپنی بیوی کی تدفین کی کوشش کر رہا ہے جس پر مانگا منڈی پولیس نے لیڈی اہلکاروں کیساتھ چھاپہ مارا اور ملز م کو رنگے ہاتھوں گرفتار کر لیا ۔پولیس کے مطابق خاتون کے جسم اور گردن پر تشدد کے نشانات واضح طور پر پائے گئے ہیں، تاہم لاش کو تحویل میں لے کر قانونی کارروائی کا آغاز کر دیا گیا ہے ۔