اسٹیج ڈرامہ میں پرفارمنس دینے پر فوری ری ایکٹ آتا ہے اچھی کردار نگاری پہ خوب داد ملتی ہے
لاہور(یوا ین پی)اسٹیج ڈرامے کسی بھی ادا کار کے لیے اکیڈمی کی حیثیت رکھتے ہیںیہاں پہ بہت کچھ سیکھنے کو ملتا ہے شوبز کی دنیا میں مجھے بہت عزت اور شہرت ملی ہمارے پرستار ہمارے لئے سرمایہ حیات ہوتے ہیں ان خیالات کا اظہار اداکارہ ماہ نور نے یو این پی سے گفتگو کرتے ہوئے کیا انہوں نے مزید کہا کہ جب اسٹیج ایکٹر اسٹیج پہ اپنی پرفارمنس دیتا ہے تو حاضرین فوری ری ایکٹ کرتے ہیں اگر پرفارمنس اچھی ہوگی تو داد ملتی ہے اگر آپ کی پرفارمنس اچھی نہ ہوتو پھر تنقید کا سامنا کرنا پڑتا ہے میں نے شوبز میں بہت وقت گزارا ہے اب اس نتیجہ پر پہنچی ہوں کہ فلموں کے مقابلے میں اسٹیج ڈراموں میں کام کرنا مشکل ہے لیکن ڈرامہ انڈسٹری میں فن کار کو سیکھنے کا جو موقع ملتا ہے اس سے فن کار کندن بن کر نکلتا ہے۔