سکھر (یواین پی) ملک بھر کے دریاؤں میں پانی کی سطح مزید کم ہوگئی ہے جس کے باعث ربیع کی فصلوں کو پانی کی فراہمی کے متاثر ہونے کا شدید خطرہ پیدا ہوگیا ہے۔محکمہ آبپاشی کے ذرائع کے حوالے سے دعویٰ کیا ہے کہ دریاﺅں میں پانی کی کمی کے باعث تربیلا اور منگلا ڈیم میں پانی کی سطح انتہائی حد تک گرگئی ہے ۔ تربیلا ڈیم میں پانی کی سطح ڈیڈ لیول ایک ہزار 386 فٹ پرآگئی ہے جبکہ منگلا ڈیم میں بھی پانی کی سطح ڈیڈ لیول ایک ہزار 50 فٹ پرآگئی ہے۔ ذرائع نے بتایا کہ بارشیں کم ہونے کے باعث جون تک پانی کی قلت رہے گی جس کے باعث ربیع کی فصلوں کو پانی کی فراہمی متاثرہوگی۔