لاہور(یواین پی)پنجاب کے وزیراعلیٰ شہبازشریف سے جنوبی کوریاکے سفیر کاک سن کیونے ملاقات کی جس کے دوران دوطرفہ تعلقات اورتعاون بڑھانے پر تبادلہ خیال کیا گیا ہے۔جنوبی کورین سفیر کاک سن کیونے کہا کہ صوبے کی عوام کیلیے شہبازشریف نے غیرمعمولی اندازمیں کام کیا۔مقبوضہ کشمیر کے عوام کے ساتھ ہمدردی کا جذبہ رکھتے ہیں۔عالمی برادری کو مسئلہ کشمیر پراپنی مزید توجہ مرکوز کرنی چاہیے۔اسی موقع پر پاکستان مسلم لیگ (ن) کے صدر شہباز شریف نے کہا کہ جنوبی کوریا نے قیادت کے وژن کے تحت تیزی سے ترقی کی ہے۔جنوبی کوریا کی ترقی ہمارے لیے رول ماڈل ہے۔جنوبی کوریا کی کئی کمپنیاں پنجاب میں کام کر رہی ہیں۔