ملک میں جب بھی انتخابات کا زمانہ آتا ہے احتساب کا نعرہ بلندکر دیا جاتا ہے مولانا فضل الرحمن

Published on May 11, 2018 by    ·(TOTAL VIEWS 273)      No Comments

اسلام آباد(یواین پی)جمعیت علمائے اسلام ( جے یو آئی ف)کے سربراہ مولانا فضل الرحمن نے کہا ہے کہ نیب بنائی ہی سیاستدانوں کو گندا کرنے کیلیے گئی تھی، نیب کو وحی تو نہیں آتی کہ اس کے خلاف کرپشن کے مقدمات کھول دو۔
میڈیا سے گفتگو کر تے ہوئے مولانا فضل الرحمن کا کہنا تھا کہ ملک میں جب بھی انتخابات کا زمانہ آتا ہے احتساب کا نعرہ بلندکر دیا جاتا ہے، سیاستدانوں اور اداروں دونوں کو چاہیے کہ ملک کے اندر جاری تصادم کی فضا کو ختم کرنے کیلیے اپنا کردار ادا کریں۔ نیب نے نواز شریف پر نہایت سنگین الزامات لگائے ہیں جن کے ثبوت پیش کیے جانے چاہئیں۔مولانا فضل الرحمن نے کہا کہ نواز شریف آج کل جو باتیں کر رہے ہیں وہ اس تصور کے ساتھ کر رہے ہیں کہ انھیں لگتا ہے عدالت اپنی آئینی ذمہ داریاں چھوڑ کر ان کے خلاف فریق بنی ہوئی ہے جس کا مقصد ان کا سیاسی کیریئر تباہ کرنا ہے۔ انہوں نے کہا کہ سب کو پتہ ہے کہ نیب کو کس نے بنایا اور وہ کس کا آلہ کار ہے، نیب کو وحی تو نہیں آتی کہ اس کے خلاف کرپشن کے مقدمات کھول دو، نیب بنائی ہی سیاستدانوں کو گندا کرنے کیلیے گئی تھی۔

Readers Comments (0)




Premium WordPress Themes

Premium WordPress Themes