دہشت گردعناصر کا کوئی مذہب نہیں ہوتااسی لئے یہ انسانی جانوں سے کھیلتے ہیں
لاہور(یو این پی)ملک عزیز میں دہشت گرد عناصر نے دہشت گردی کے واقعات میں تیزی لاکر خوف وہراس پیدا کردیا ہے دہشت گردی کے واقعات سے دل افسردہ اورآنکھیں اشکبار ہیں دہشت گردعناصر کا کوئی مذہب نہیں ہوتااسی لئے یہ انسانی جانوں سے کھیلتے ہیں ان خیالات کا اظہارنامور گلوکارہ حنا ملک نے یواین پی سے کیا انہوں نے مزید کہا کہ بنوں اور مستونگ میں جو سانحات رونما ہوئے ہیں یہ بھولنے والے نہیں نہتے اور بے گنا شہریوں کی جانوں سے کھیلنے والے کسی رعایت کے مستحق نہیں ہیں اعلی حکام بنوں اور مستونگ دہشت گردی کے نشانہ بننے والوں کے لواحقین کی مالی امداد کریں