ون ڈے رینکنگ میں قومی ٹیم کی پانچویں پوزیشن برقرار

لاہور (یواین پی) آئی سی سی کی نئی ون ڈے رینکنگ میں پاکستان کی پانچویں پوزیشن برقرار، بیٹنگ میں بابراعظم دوسرے اور باؤلنگ میں حسن علی تیسرے نمبر پر ہیں۔آئی سی سی نے نئی ون ڈے رینکنگ جاری کردی۔ ایک روزہ میچز کی ٹیم رینکنگ میں پاکستان کا پانچویں پوزیشن پر قبضہ برقرار ہے۔ بیٹنگ میں پاکستان کے بابر اعظم کی دوسری پوزیشن، فخرزمان 16ویں نمبر پر ہیں جبکہ بھارتی کپتان ویرات کوہلی پہلے نمبر پر براجمان ہیں۔ ویسٹ انڈیز کے خلاف 2 سنچریاں بنانے والے تمیم اقبال نے 4 درجے ترقی پا کر 13ویں پوزیشن حاصل کرلی ہے۔باؤلنگ میں گیند باز حسن علی کا تیسرا نمبر جبکہ جسپریت بھمرا بدستور نمبر ون پوزیشن پر برقرار ہیں۔ نمبر ون آل راؤنڈر میں شکیب الحسن کا نام سرفہرست ہے۔