پیسر عثمان خان شنواری کی جانب سے بھی اپنی صلاحیتوں کو نکھارنے کیلئے بھرپور محنت کا سلسلہ جاری ہے
کراچی(یواین پی)قومی کرکٹ ٹیم کے بالنگ کوچ اظہرمحمود کا کہنا ہے کہ حالیہ عرصے میں ابھرنے والے نوجوان کرکٹرز نے یہ بات ثابت کردی ہے کہ ان میں پاکستان کرکٹ کے مستقبل کو بہتر بنانے کی پوری اہلیت موجود ہے۔ان کا کہنا تھا کہ آل راؤنڈر فہیم اشرف میں بہترین کھلاڑی بننے کی بھوک نظر آ رہی ہے جو وقت کے ساتھ اپنی کارکردگی میں بہتری پیدا کر رہے ہیں جبکہ بائیں ہاتھ کے پیسر عثمان خان شنواری کی جانب سے بھی اپنی صلاحیتوں کو نکھارنے کیلئے بھرپور محنت کا سلسلہ جاری ہے۔ سابق قومی آل راؤنڈر کا کہنا تھا کہ آنے والے عرصے میں فاسٹ بالر محمد عامر کو نئی گیند سے زیادہ بہتر کارکردگی کا مظاہرہ کرنا چاہئے کیونکہ ٹیم کو ابتدائی اوورز میں بریک تھرو ملنا بہتر ہوگا۔