پاکستانی سفارتخانے ریاض میں جشن آزادی کی تقریب کا انعقاد

جدہ (زکیر احمد بھٹی)سعودی عرب میں پاکستانی سفیر خان ہشام صدیق نے پاکستان سفارتخانے ریاض میں یوم آزادی کی مناسبت سے تقریب میں قومی پرچم کی پرچم کشائی کی۔ تقریب میں پاکستانی اور غیر ملکی کمیونٹی نے بھرپور شرکت کی ۔تقریب میں صدر پاکستان اور وزیر اعظم پاکستان کے پیغامات پڑھ کر سنائے گئے۔ سفیر نے جدوجہد آزادی کے رہنماؤں کی قربانیوں کا ذکرکیا اور ان کو خراج تحسین پیش کیا۔ اس کے علاوہ انہوں نے پاکستان کی حاصل کی گئی کامیابیوں اور ان کامیابیوں میں بیرون ملک پاکستانی کمیونٹی کے اہم کردار پر روشنی ڈالی۔ سفیر پاکستان نے پاکستان میں سیکیورٹی کی صورتحال پر اطمینان کا اظہار کیا اور کہا کہ ہم پاکستان کے لئے ایک روشن اور پرامید مستقبل دیکھ رھے ہیں.سفیر ہشام بن صدیق نے سعودی عرب کی حکومت کی پاکستان کیلئے حمایت کا شکریہ ادا کیا۔انھوں نے کہا کہ ہر پاکستانی کے دل میں سعودی عرب کیلئے خصوصی جگہ ہے۔ آخر میں سفیر پاکستان نے قائد اعظم محمد علی جناح کے رہنما اصولوں اتحاد، ایمان اور تنظیم کا ذکر کرتے ہوئے کہا کہ ان اصولوں کی پاسداری ہماری کامیابی کی ضامن ہے