ممبئی (یواین پی)بالی وڈ اداکار سلمان خان نے اپنی تمام بڑی کامیاب اور ناکام فلموں کو اپنے کیریئر کا ٹرننگ پوائنٹ قرار دے دیا۔ ذرائع ابلاغ کے مطابق اداکار سلمان خان نے کہا ہے کہ وہ فلموں میں منفی کردار ادا نہیں کرنا چاہتے کیونکہ اگر انہوں نے منفی کردار ادا کیا تو لوگ متاثر ہو کر ان سے ولن جیسا رویہ اختیار کریں گے، وہ معنی خیز فلمیں نہیں کرتے لیکن ان کی فلموں میں معاشرے کے لئے برے کاموں سے دور رہنے اور اچھے کام کرنے کا پیغام دیا جاتا ہے۔ انہوں نے کہا کہ ان کی تمام بڑی کامیاب فلموں کے ساتھ ساتھ ناکام فلمیں بھی ان کے کیریئر کا ٹرننگ پوائنٹ ثابت ہوئی ہیں۔ سلمان خان اب فلم بھارت میں دکھائی دیں گے۔