سلیکٹرز ہی بتا سکتے ہیں مجھے ورلڈ کپ سکواڈ میں شامل کیوں نہیں کیا گیا ، کامران اکمل

لاہور(یواین پی) قومی ٹیم کے بلے باز کامران اکمل نے کہا ہے کہ میری کرکٹ ختم نہیں ہوئی، سلیکٹرز اور بورڈ ہی بتا سکتے ہیں کہ مجھے ورلڈ کپ کیلئے کیوں سلیکٹ نہیں کیا گیا۔ان خیالات کا اظہار انہوں نے لاہور میں میڈیا سے گفتگو کرتے ہوئے کیا، انہوں نے کہا کہ ابھی میری کرکٹ ختم نہیں ہوئی مختلف لیگز کھیل رہا ہوں۔آف سیزن ہے، اپنی ٹریننگ کروں گا، سلیکٹرز اور بورڈ ہی بہتر طور پر بتا سکتے ہیں کہ مجھے ورلڈ کپ کیلئے کیوں سلیکٹ نہیں کیا گیا۔ایک سوال کے جواب میں کامران اکمل کا کہنا تھا کہ ورلڈ کپ کیلئے تبدیلی کی جاسکتی ہے، عامر اور آصف ساتھ گئے ہیں، آئی سی سی کے بڑے ایونٹ میں پاکستان اچھا پرفارم کرتا ہے۔پہلاہدف سیمی فائنل کے لئے کوالیفائی کرنا ہے، انہوں نے مزید کہا کہ شاداب خان کا ان فٹ ہونا قومی ٹیم کے لئے سیٹ بیک ہے، انگلینڈ کیخلاف ان11کھلاڑیوں کو کھلانا چاہیئے جو ورلڈ کپ کھیلیں۔