بلوچستان میں 10 ہزار سولر ٹیوب و یلز کی فزیبلٹی رپورٹ تیار

کوئٹہ:(یواین پی) بلوچستان میں شمسی توانائی کے 10 ہزار ٹیوب ویلوں کے بارے اہم پیش رفت، پہلی مکمل فزیبلٹی رپورٹ تیار کر لی گئی۔وفاقی وزیر توانائی عمر ایوب خان، سیکٹری پاور عرفان علی نے متبادل توانائی ڈویلپمنٹ بورڈ کے اجلاس میں رپورٹ کا جائزہ لیا۔ ترجمان وزارت توانائی کے مطابق فزیبلٹی رپورٹ جرمن کمپنی اور نیسپاک کی مشترکہ کاوش ہے، اگلے مرحلے میں بلوچستان، لمز اور نسٹ میں یہ رپورٹ پیش ہوگی ۔تمام اسٹیک ہولڈرز سے ماہرانہ و تکنیکی رائے لی جائے گی، سولر ٹیوب ویلوں سے بلوچستان میں زرعی انقلاب کے ساتھ بجلی میں خسارے سے بھی بچا جا سکے گا،سولر ٹیوب ویلوں سے بجلی کی بچت ہو گی،بلوچستان کے ہزاروں ٹیوب ویلوں کو اربوں روپے کی بجلی فراہم کی جاتی ہے، بروقت ادائیگیاں نہ ہونے سے گردشی قرضوں میں اضافہ ہوتا ہے۔فیزیبلٹی رپورٹ کے مندرجات میں بتایا گیا کہ کہاں کہاں سورج کی روشنی سے فائدہ اٹھایا جا سکتا ہے، کن علاقوں میں سورج کی شعائیں تیز ہیں، فزیبلٹی رپورٹ میں بجلی کو شمسی توانائی میں تبدیل کرنے کے لیے مراحل کا بھی ذکرمو جود ہے۔