وزیر اعظم عمران خان کی افغان صدر اشرف غنی کو انتخابات میں دوبارہ کامیابی پر مبارکباد

اسلام آباد (یواین پی) وزیر اعظم عمران خان نے افغان صدر اشرف غنی کو انتخابات میں دوبارہ کامیابی پر مبارکباد پیش کرتے ہوئے کہا ہے کہ خطے کے امن و استحکام کیلئے پاکستان سے جو کچھ بھی بن پڑا، کرے گا۔ٹوئٹر پر اپنے بیان میں وزیراعظم عمران خان نے کہاکہ میں افغان صدر اشرف غنی کو مبارکباد پیش کرتا ہوں اور انکے ساتھ ملکر کام کرنے کا خواہاں ہوں۔ انہوںنے کہاکہ خطے کے امن و استحکام کیلئے پاکستان سے جو کچھ بھی بن پڑا، کرے گا۔