عمران خان آپ پناہ گاہ جاؤ، یا جہاں مرضی جاؤ، کہیں پناہ نہیں ملے گی، مریم نواز

گوجرانوالہ(یواین پی) پاکستان مسلم لیگ ن کی نائب صدر مریم نواز نے کہا ہے کہ آج گوجرانوالہ میں عمران خان آپ پناہ گاہ جاؤ، یا جہاں مرضی جاؤ ، کہیں پناہ نہیں ملے گی،آج مسلم لیگ یا اپوزیشن کا نہیں ، عوام کی حالت زار کا مقدمہ لے کر آئی ہوں، وعدہ کرو وٹ کوعزت دلاؤ گے،عمران خان کہتا حکومت ادارے ایک صفحے پرہیں، لیکن یہ صفحہ پلٹتے دیر نہیں لگتی۔انہوں نے گوجرانوالہ میں عوامی جلسے سے خطاب کرتے ہوئے کہا کہ وفاقی کابینہ کے ارکان ایک ہفتے سے گوجرانوالہ میں ڈیرے ڈال کر بیٹھے ہوئے تھے، ان کو اتنا خوف تھا، کل عمران خان پناہ گاہ میں جاگھسا، آپ جہاں مرضی جاؤ کہیں پناہ نہیں ملے گی، میں آج آپ کے پاس نوازشریف، مریم نواز، مسلم لیگ ن یا اپوزیشن کا مقدمہ نہیں لے کر آئی ہوں، میں آج آپ کے پاس آپ کا مقدمہ لے کر آئی ہوں، اس ماں کو دیکھتی ہوں جس کے بچوں کی روٹی پوری نہیں ہوتی، تاجر، ریڑھی بان ، مزدروروں، غریبوں کا مقدمہ لے کر آئی ہوں، عدلیہ کا مقدمہ جب وہ آئین اور قانون پر چلنے کی بات کرتے ہیں تو ان کا حال جسٹس قاضی فائز عیسیٰ والا ہوتا ہے، میڈیا کی آواز بندی کا مقدمہ لے کر آئی ہوں، منتخب نمائندوں کا مقدمہ لے کر آئی ہوں، ان کو اقامے کی بنیاد پر نکال دیا جاتا ہے۔انہوں نے کہا کہ 60ارب ڈالر کے سی پیک کا چارج عاصم سلیم باجوہ جیسے کرپٹ انسان کے پاس ہونا چاہیے؟ حکومتی مشیر یہ کہتے ہیں نوازشریف کا بیانیہ سمجھ میں نہیں آتا، کیا آئین شکنی اور ووٹ چوری کا مقدمہ سمجھ آتا ہے؟حساب کتاب عوام نے کرنا ہے، کسی کو حق نہیں منتخب وزیراعظم کو اٹھا کر باہر نکال دے۔ عمران خان کہتا کہ سابق جنرل ظہیر السلام نے نوازشریف سے اس لیے استعفیٰ مانگا کہ اس کو پتا تھا کہ نوازشریف نے کرپشن کی ہے۔