وزیر اعظم کی منظوری کے بعد ریاست مدینہ میں‌ پٹرول بم عوام پر گرادیا گیا

اسلام آباد (یواین پی)حکومت کی جانب سے پٹرولیم مصنوعات کی قیمتوں میں اضافہ کر دیا گیا، وزیراعظم نے پیٹرول کی قیمت میں 3روپے 20پیسے فی لیٹر اضافے کی منظوری دے دی۔اس حوالے سے ذرائع کا کہنا ہے کہ اوگرا نے پیٹرول کی قیمت میں13 روپے فی لیٹر اضافے کی سفارش کی تھی لیکن وزیراعظم نے پیٹرول کی قیمت میں 3روپے 20پیسے فی لیٹر اضافے کی منظوری دی۔اس کے علاوہ ڈیزل کی قیمت میں 2روپے 95پیسے فی لیٹر اضافے کی منظوری دی گئی ہے جبکہ اوگرا نے ڈیزل کی فی لیٹر قیمت میں 11 روپے فی لیٹر اضافے کی سفارش کی تھی۔ذرائع کے مطابق مٹی کے تیل کی قیمت میں 3روپے فی لیٹر اضافے کی منظوری دی گئی ہے جبکہ مٹی کے تیل کی قیمت میں ساڑھے 10 روپےاضافے کی سفارش کی گئی تھی۔حکومت کی جانب سے لائٹ ڈیزل کی قیمت میں 4روپے 42پیسے اضافے کی منظوری دی گئی ہے، اوگرا نے لائٹ ڈیزل کی قیمت میں15روپے فی لیٹر کی سفارش کی تھی۔