اوکاڑہ (یو این پی)ڈسٹرکٹ پولیس آفیسر فیصل شہزاد نے تھانہ گوگیرہ اور پولیس چوکی فیصل آباد روڈ کا سرپرائز وزٹ کیا ، ڈی پی او نے تھانہ کی صفائی ستھرائی، حوالات ، اور فرنٹ ڈیسک کا ریکارڈ چیک کیا ۔ تھانہ کی ناقص صفائی اور ریکارڈ کی عدم تکمیل پر ایس ایچ او تھانہ گوگیرہ اور محرر تھانہ گوگیرہ کو شوکاز نوٹس، جبکہ پولیس چوکی فیصل آباد روڈ کی چیکنگ کے دوران زاھداقبال کانسٹیبل کو یونیفارم نہ پہننے پر شوکاز نوٹس جاری کردیا۔
اس موقع پر ڈسٹرکٹ پولیس آفیسر فیصل شہزاد نے کہا کہ فرائض سے غفلت ہرگز برداشت نہیں کی جائے گی، تمام پولیس افسران ایس او پی کے مطابق وردی پہنتے ہوئے الرٹ رہ کر اپنے فرائض سر انجام دیں ۔