کورونا وائرس؛ قومی اسمبلی کی تمام سرگرمیاں جزوی طور پر معطل

اسلام آباد(یو این پی) ​کورونا وائرس کے بڑھتے ہوئے کیسسز کے باعت قومی اسمبلی کی تمام سرگرمیاں جزوی طور پر معطل کردی گئیں۔ قومی اسمبلی سیکریٹریٹ کے شعبہ انتظامیہ کی جانب سے نوٹیفیکیشن جاری کیا گیا ہے جس کے مطابق کورونا وائرس کے ممکنہ پھیلاؤ کو روکنے کے لیے قومی اسمبلی سیکریٹریٹ کے دفاتر کو 2 دن کے لیے بند کردیا گیا ہے۔نوٹیفکیشن کے مطابق قومی اسمبلی کی قائمہ، پبلک اکاؤنٹس اور خصوصی کمیٹیوں کے ہونے والے اجلاس منسوخ کردیئے گئے ہیں، اور دفاتر کو 16 مارچ تک بند رکھا جائے گا۔نوٹیفکیشن میں بتایا گیا ہے کہ سی ڈی اے کو جراثیم کش ادویات سے تمام دفاتر کو ڈسانفیکٹ کرنے اور عملے کو کورونا وائرس کی علامات کی صورت میں فوری ٹیسٹ کرانے کی ہدایات جاری کردی گئی ہیں، 17 مارچ سے متعلقہ افسران ضروری اسٹاف کو آفس بلا سکیں گے، قومی اسمبلی سیکرٹریٹ میں داخل کے لیے ماسک کو لازمی قرار دیا گیا ہے، جب کہ 17 مارچ سے آفس ٹائم 10 بجے سے 4 بجے تک ہوں گی