لاہور واقعے میں بھارت ملوث ہے، شیخ رشید

لاہور(یو این پی)وزیر داخلہ شیخ رشید نے کہا ہے کے پاک سرزمین کسی کے خلاف استعمال نہیں ہونے دینگے۔تفصیلات کے مطابق شیخ رشید نے پریس کانفرنس کرتے ہوئے کہا ہے کہ تحقیقات ہماری ذمہ داری تھی جو ہم نے مکمل کرلی ہے اور پہلے ہمیں پنڈی سے متعلق معلومات نہیں مل رہی تھیں آج مل گئیں ہیں۔انہوں نے کہا کہ معاملے میں شامل چاروں گاڑیاں ہماری تحویل میں ہیں اور گاڑیوں کے ڈرائیورز سے بھی تفتیش مکمل ہو گئی ہے۔ان کا کہنا ہے کہ مجھ پر تنقید ہو رہی ہے کہ 4 بے گناہوں کو جیل میں ڈال دیا۔شیخ رشید نے مریم نواز پر بھی تنقید کرتے ہوئے کہا یہ پاکستان کے دشمنوں کے ایجنڈے پر کھیل رہے ہیں اور ملکی سلامتی کے خلاف بیانات دے رہی ہیں۔انہوں نے میڈیا سے گفتگو کرتے ہوئے کہا کہ لاہور واقعے میں بھارت ملوث ہے اور سوشل میڈیا پر بھارت سے متعلق مہم چلائی جا رہی ہے۔وزیر داخلہ شیخ رشید نے مزید یہ بھی کہا کہ پاک سرزمین کسی کے خلاف استعمال نہیں ہونے دینگے۔