مقبوضہ کشمیر،بھارتی فورسزنے نومبرمیں 20کشمیریوں کوشہید کیا، رپورٹ

Published on December 2, 2021 by admin ·(TOTAL VIEWS 142) No Comments

مقبوضہ کشمیرمیں بھارتی فورسزنے آپریشن کی آڑ میں متعدد گھرتباہ کردئیے
سرینگر(یو این پی) مقبوضہ کشمیرمیں مزید 20کشمیری بھارت کی ریاستی دہشتگردی کی بھینٹ چڑھ گئے۔میڈیا کے مطابق قابض بھارتی فورسزنے نومبرمیں20کشمیریوں کوشہید کیا۔ شہید ہونے والوں میں 8کشمیری نوجوانوں کوجعلی مقابلے میں قتل کیا گیا۔بھارتی مظالم کیخلاف احتجاج کرنے والے پرامن کشمیریوں پر بھارتی فوج کے تشدد، شیلنگ اورفائرنگ سے 18افراد زخمی ہوئے جبکہ 66افراد کوگرفتارکیا گیا۔ گرفتارافراد میں زیادہ تعداد طلبا کی ہے۔بھارتی فورسزنے نام نہاد سیکورٹی آپریشن کی آڑ میں گھروں کوبھی نقصان پہنچایا۔ بھارتی فورسزنے سرچ آپریشن کے نام پرمختلف علاقوں کا محاصرہ کرکے گھروں میں گھس کرلوگوں کوہراساں بھی کیا۔