اسلام آباد(یواین پی)اسلامی تعاون تنظیم کی وزرائے خارجہ کونسل کا 48واں اجلاس (کل) منگل سے پارلیمنٹ ہاؤس میں شروع ہو گا، اجلاس کے لئے وفود کی آمد کا سلسلہ شروع ہو گیا ہے، مصر کے وزیر خارجہ کانفرنس میں شرکت کے لئے پاکستان پہنچ گئے ہیں، کانفرنس میں افغانستان اور مقبوضہ کشمیر کی صورتحال بھی زیر بحث آئے گی،دو روزہ اجلاس کا اختتام23مارچ بروز بدھ کو ہو گا، اجلاس کے لئے پارلیمنٹ ہاؤس کی عمارت کی تزئین و آرائش کا کام مکمل کر دیا گیا ہے ،قومی اسمبلی کے ہال میں نئی کارپٹ بچھادی گئی ہے جبکہ بلڈنگ میں نئی ٹائلیں بھی لگائی گئیں ہیں، کمیٹی رومز میں نیا فرنیچر رکھ دیاگیا ہے۔