قرآن مجید ایک مکمل ضابطہ حیات اور دستور العمل ہے علامہ توقیر الحسن

سیالکوٹ( یواین پی)قرآن مجید ایک مکمل ضابطہ حیات اور دستور العمل ہے۔قرآن و صاحب قرآن کی روشن و پاکیزہ تعلیمات کل عالم انسانیت کیلئے منبع رشدوہدایت ہیں۔ان خیالات کا اظہار ضلعی جنرل سیکرٹری پاکستان مشائخ و علماء کونسل سیالکوٹ علامہ توقیر الحسن اشرف القادری نے جامعہ تاجدار سدرہ شریف چنوں موم میں ضلعی چےئرمین و سجادہ نشین پیر سید فد احسین شاہ زنجانی کی زیر صدارت منعقدہ ماہانہ محفل درس قرآن و گیارہویں سے خطاب کے دوران کیا۔انہوں نے کہا کہ آج ہم جن مسائل سے دوچار ہیں اس کی بنیادی وجہ قرآن و سنتؐ سے روگردانی ہے اور اگر آج بھی تعلیمات قرآن و سنتؐ کو اپنا لیا جائے تو ہماری عظمت رفتہ بحال ہو سکتی ہے ۔انہوں نے کہا کہ آج ضرورت اس امر کی ہے کہ تعلیمات قرآن و سنتؐ کو عام کیا جائے اور اس سلسلہ میں درس قرآن کی محافل نہایت کلیدی کردار ادا کررہی ہیں۔محفل سے علامہ عطا ء محمد سعیدی،قاری غلام مرتضیٰ چشتی،نصیر احمد موہڑوی ،محمد اشفاق قادری ،محمد اشرف قادری ،اشتیاق احمد ،سید ابوبکر مشہدی و دیگر نے بھی خطاب اور ہدیہ نعت بحضور سرور کونینؐ پیش کی۔