ایشیا کپ بڑا ٹاکرا: سنسنی خیز مقابلے میں بھارت نے پاکستان کو شکست دیدی

لاہور (یواین پی) ایشیا کپ ٹی 20 میں سب سے بڑے ٹاکرے میں سنسنی خیز مقابلے کے بعد بھارت نے پاکستان کو 5 وکٹ سے شکست دے دی۔دبئی انٹرنیشنل کرکٹ سٹیڈیم میں پاکستان اور بھارت کے مابین ایشیا کپ کا ٹی 20 میچ کھیلا گیا، پاکستان کی پوری ٹیم مقررہ 20 اوورز میں 147 رنز بنا کر آؤٹ ہوگئی۔نواز نے آخری اوور میں اچھی باؤلنگ کی لیکن ہاردک پانڈیا نے چوتھی گیند پر چھکا لگا کر ٹیم کو فتح دلائی۔بھارت کے کپتان روہت شرما نے ٹاس جیت کر پاکستانی قائد بابر اعظم کو پہلے بیٹنگ کی دعوت دی تھی، سیلاب زدگان سے یکجہتی کے اظہار کے لئے کھلاڑی سیاہ پٹیاں باندھ کر میدان میں اترے تھے۔