اظہر علی کو ساتھی کھلاڑیوں کی جانب سے خراج تحسین

Published on December 19, 2022 by admin ·(TOTAL VIEWS 43) No Comments

پاکستان ٹیم کے کھلاڑی اظہر علی کو خراج تحسین پیش کرتے ہوئے
کراچی(یواین پی) پاکستان کے مایانہ ناز بلے باز اظہر علی کو کیریئر کے آخری ٹیسٹ میچ میں آؤٹ ہونے کے بعد ٹیم کے بقیہ کھلاڑیوں نے خراج تحسین پیش کیا۔کراچی میں کھیلے گئے سیریز کے آخری ٹیسٹ کی دوسری اننگز میں اظہر علی بڑی اننگز کھیلنے میں ناکام رہے اور انگلینڈ کے اسپنر جیک لیچ کی گیند پر صفر پر آؤٹ ہوگئے۔اظہر علی کے آؤٹ ہونے کے بعد انگلش ٹیم کے کپتان بین اسٹوکس سمیت دیگر کھلاڑیوں نے انہیں الوداع کیا جبکہ قومی ٹیم نے فضاء میں بلے لہرا کر اظہر علی کو خراج تحسین بھی پیش کیا۔سابق کپتان اظہر علی نے ٹیسٹ کیریئر میں ویسٹ انڈیز کے خلاف 302 رنز کی اننگز بھی کھیلی تھی تاہم انگلینڈ کے خلاف حالیہ ٹیسٹ سیریز کو اپنے لیے وہ یادگار نہ بنا سکے۔