جس معاشرے سے برداشت اور رواداری اْٹھ جائے وہ انسانی معاشرہ کم اور جنگلی معاشرے کا نقشہ زیادہ پیش کرتا ہے
نارووال(یو این پی)ڈسٹرکٹ میڈیا کلب نارووال کے جنرل سیکرٹری رانا ظہور الحسن نے اپنے ایک بیان میں کہا ہے کہ معاشرے میں رواداری اور برداشت کو فروغ دینے کی ضرورت ہے برداشت اور رواداری پرامن معاشرے کی بنیاد ہے۔انہوں نے کہاکہ جس معاشرے سے برداشت اور رواداری اْٹھ جائے وہ انسانی معاشرہ کم اور جنگلی معاشرے کا نقشہ زیادہ پیش کرتا ہے، پرامن معاشرے میں لوگ ایک دوسرے خدمت اور مدد پر یقین رکھتے ہیں۔انہوں نے کہاکہ برداشت اور رواداری جیسے خوبصورت رویوں کے فقدان کا نتیجہ ہے کہ ہم چھوٹی چھوٹی خوشیوں سے محروم ہوتے جارہے ہیں۔ہمیں رواداری اوربرداشت جیسے رویوں کے فروغ و ترویج کے لیے مل جل کر کام کرنا ہو گا اِسی سے معاشرے میں بہتری اور سکون آسکتا ہے۔معاشرے میں برداشت اور باہمی رواداری کے فروغ کی ضرورت ہے تاکہ انتہا پسند رویوں کا خاتمہ ہو اور باہمی محبت کے ذریعے ملک میں امن قائم ہو۔