عید پر اوورلوڈنگ اور اوورچارجنگ کرنے والی گاڑیوں کے خلاف موٹروے پولیس نے کریک ڈاؤن کا آغاز
اوکاڑہ( یواین پی/ شیخ ندیم شیراز )افسر تعلقات عامہ نیشنل ہائی ویز اینڈ موٹروے پولیس کے مطابق موٹروے پولیس نے آئی جی موٹرویز سلطان علی خواجہ کی خصوصی ہدایت پر ڈی آئی جی شاہد جاوید نے پیٹرولنگ افسران کے لیے ہدایات جاری کرتے ہوئے کہا کہ مسافروں سے زائد کرایہ وصول کرنا قابل گرفت جرم ہے. ٹرانسپورٹرز ٹریفک قوانین کی پابندی کو یقینی بنائیں. زائد کرایہ وصول کرنے پر ٹرانسپورٹر مالکان کے خلاف سخت ایکشن لیا جائے گا لہذا مسافر گاڑیاں اوورلوڈنگ، اوور چارجنگ سے گریز کریں. انھوں نے مزید کہا کہ پیٹرولنگ افسران ٹال پلازہ پر الرٹ رہیں. کسی بھی صورتحال سے نمٹنے کے لیےقومی شاہراہ پر مخصوص پوائنٹس پر اضافی نفری اور اسپیشل سکواڈ تعینات کر دیا گیا. جبکہ ٹھوکر نیاز بیگ پر موجود گائیڈینس سینٹر پر خصوصی ڈیسک بھی قائم کیا گیا جہاں اپنی شکایات نوٹ کروائی جا سکتیں ہیں. ترجمان موٹروے پولیس کا کہنا ہے کہ دوران سفر معلومات، شکایات اور مدد کے لیے 130 پر رابطہ کیا جاسکتا ہے