وزیراعظم محمد نواز شریف کا لاہور کے قریب واہگہ پر افسوسناک واقعہ پر گہرے رنج و غم کا اظہار

واہگہ واقعہ کی تحقیقات کیلئے حکومت پنجاب کے ساتھ تمام ضروری تعاون کرنے کی ہدایت
اسلام آباد ۔۔۔ وزیراعظم محمد نواز شریف نے لاہور کے قریب واہگہ پر افسوسناک واقعہ پر گہرے رنج و غم کا اظہارکیا ہے۔ انہوں نے جانی نقصان پر تعزیت کا اظہار کیا اور واقعہ کی رپورٹ طلب کر لی ہے۔ وزیراعظم نے وزارت داخلہ اور قانون نافذ کرنے والے اداروں کو ہدایت کی کہ واہگہ واقعہ کی تحقیقات کیلئے حکومت پنجاب کے ساتھ تمام ضروری تعاون کیا جائے اور انسانی سانحہ کے ذمہ داروں کو انصاف کے کٹہرے میں لایا جائے۔ وزیراعظم نے صوبائی حکومت سے کہا کہ زخمیوں کے مناسب علاج معالجہ کو یقینی بنایا جائے۔