بارشوں کا نیا سلسلہ جمعرات سے شروع ہو گا

اسلام آباد (یو این پی) محکمہ موسمیات کے مطابق ملک میں 5 مارچ سے بارشوں کا ایک نیا سلسلہ شروع ہونے والا ہے جو بلوچستان اور سندھ کے ساحلی علاقوں سے داخل ہو گا۔سینئر میٹرولوجسٹ ڈاکٹر غلام رسول نے بتایا کہ اگرچہ اس وقت بھی خیبرپختونخوا اور پنجاب میں بارشیں جاری ہیں اس کے بعد 2 روز تک مطلع ابر آلود رہے گا جب کہ 5 مارچ سے بارشوں کا ایک نیا سسٹم ساحلی علاقوں کے ذریعے ملک میں داخل ہو گا جو جیوانی، گوادر، قلات، کوئٹہ سمیت کراچی میں بھی بارشیں برسائے گا۔ ڈاکٹر غلام رسول کے مطابق بارشوں کا یہ نیا سسٹم خیبر پختونخوا اور پنجاب میں داخل ہو کر مزید جل تھل کرے گا۔