وزیر داخلہ نے بعض سوالات کا جواب فراہم نہ کرنے پر چار افسروں کو معطل کر دیا

اسلام آباد (یو این پی) وزیر داخلہ چوہدری نثار علی خان نے وزارت داخلہ سے متعلق بعض سوالات کا جواب فراہم نہ کرنے پر متعلقہ چار افسروں کو معطل کر دیا۔ جمعرات کو قومی اسمبلی میں وقفہ سوالات کے دوران وزارت داخلہ سے متعلق بعض سوالات کے جوابات فراہم نہیں کئے گئے جن کا نوٹس لیتے ہوئے وزیر داخلہ نے متعلقہ چار افسروں کو معطل کر دیا۔ انہوں نے سپیکر قومی اسمبلی سے سوالات کے جواب فراہم نہ کئے جانے پر معذرت کی اور ایوان کو یقین دلایا کہ ان کی وزارت سے متعلق تمام سوالات کے بروقت جوابات کو یقینی بنایا جائے گا۔