تین بار گنتی پر دونوں امیدواروں کے ووٹ برابر نکلے ، حتمی فیصلے کیلئے ٹاس کیا گیاجس پر آفتاب گجر کو کامیاب قرار دیا گیا
وہاڑی(یوا ین پی)وہاڑی میں یونین کونسل 13میں امیدوار کی کامیابی کیلئے ٹاس پر فیصلہ کیا گیا ، وہاڑی کی یونین کونسل 13میں آفتاب گجر اور فقیر محمد چیئرمین کی سیٹ کیلئے امیدوار تھے ، الیکشن کے بعد گنتی میں دونوں کے ووٹ برابر نکلے جس کے بعد دونوں امیدواروں کی متفقہ رائے سے جیت کا فیصلہ ٹاس پر کیا گیا ۔ ٹاس سے قبل تین بار ووٹوں کی گنتی کی گئی جس میں دونوں امیدواروں کے ووٹ 3670 تھے جس پر ایک امیدوار کی جیت کا اعلان کرنے کیلئے ٹاس کیا گیا جس میں آفتاب گجر کو کامیاب قرار دیا گیا ۔