عطائیوں کو انسانی جانوں سے کھیلنے کی ہر گز اجازت نہیں دیں گے ناصر جمال ہوتیانہ

وہاڑی(یواین پی)ڈسٹرکٹ کوارڈینیشن آفیسر ناصر جمال ہوتیانہ نے کہا ہے کہ عطائیوں کو انسانی جانوں سے کھیلنے کی ہر گز اجازت نہیں دیں گے محکمہ صحت عطائیوں کے خلاف بھر پورمہم چلائے اور جو رضا کارانہ طور پر عطائیت کا دھندہ نہ چھوڑے اسے قانونی کارروائی کرتے ہوئے جیل بھجوائے یہ بات انہوں نے اپنے کمیٹی روم میں ضلعی کوالٹی کنٹرول بورڈ کے اجلاس سے خطاب کرتے ہوئے کہی اجلاس میں ڈپٹی ڈسٹرکٹ آفیسر ہیلتھ ڈاکٹر خالد جاوید ، ، ڈاکٹر عبدالرؤف خالد، فارما سسٹ ایسوسی ایشن کے نمائندے ، اور ڈرگ انسپکٹروں نے شرکت کی اجلاس سے خطاب کرتے ہوئے ڈسٹرکٹ کوارڈینیشن آفیسر نے کہا کہ ادویات کا باقاعدہ رکیارڈ مرتب کئے بغیر میڈیکل سٹور چلانے کی اجازت نہیں اور نہ ہی میڈیکل سٹورز مالکان بغیر لائسنس اپنا کاروبار کر سکتے ہیں اسی طرح ڈاکٹرز بھی پاکستان میڈیکل کونسل کی رجسٹریشن حاصل کئے بغیر اپنی پریکٹس نہیں کر سکتے اجلاس میں 34عطائیوں کے خلاف درج کیسز کا جائزہ لیا گیا اور آئندہ غیر قانونی کام نہ کرنے کی یقین دہانی پر 19کو وارننگ دے کر چھوڑ دیا گیا 6کے خلاف چالان عدالت مین بھجوانے کی منظوری دی گئی اور 8کیدوبارہ معائنہ کا حکم دیا گیا اسی طرح ادویات کی خرید و فروخت کا ریکارڈ مرتب اور حفاظتی اقدامات نہ کرنے پر 8میڈیکل سٹور مالکان کے کیسوں کا جائزہ لیتے ہوئے انہیں اپنا ریکارڈ درست کر کے پیش کرنے کی ہدایت کی گئی