لاہور (یوا ین پی) اسلام آباد اورسیالکوٹ کے خراب موسم کے باعث 6پروازوں کولاہوراتارلیاگیا۔بتایا گیا ہے کہ گزشتہ روز شدیددھندکی وجہ سے کراچی سے اسلام آباد جانے والی پی آئی اے کی پرواز372، جدہ سے سیالکوٹ جانے والی پرواز پی کے 746، دبئی سے اسلام آباد جانیوالی پروازپی کے234 شارجہ سے اسلام آباد جانیوالی ایئربلیو کی پرواز 213 اور دبئی سے اسلام آباد جانے والی شاہین ایئرکی پرواز 224 کو لاہورائیرپورٹ پراتارلیا گیا ہے۔ جبکہ ابوظہبی سے لاہورآنے والی پی آئی ایکی پرواز296 کا رخ کراچی کی جانب موڑ دیا۔ قطر ایئرلائنزکی دوحہ سے اسلام آبادجانیوالی پرواز چھ تین دو کوبھی لاہور اتارا گیا تاہم اسلام آباد کا موسم بہتر نہ ہونے پرپائلٹ پروازکو واپس دوحہ لے گیا ۔