وہ اداکار جو حسیناؤں کا روپ دھارکر چھا گئے

لاہور :(یو این پی)بالی ووڈ انڈسٹری اپنے اداکار اور اپنی فلموں کی کہانیوں کی وجہ سے بہت مشہور ہے اور اس انڈسٹری میں ایک سے ایک زبردست اداکار موجود ہے۔آپ اسی بات سے اندازہ لگالیں کہ جب میل اداکاروں نے فی میل کا کردار ادا کیا تویہ کردار بھی انہوں نے بخوبی نبھایااور چھا گئے۔ آج ہم آپ کو بالی ووڈ کے ان سپر اسٹارز کے بارے میں بتانے جارہے ہیں جنہوں نے فی میل کا کردار بھی اداکیا۔
گووندا اپنی دم دار اداکاری کی وجہ سے بہت شہرت رکھتے ہیں اور جب ان کو فی میل کا کردار نبھانا پڑا تو وہ بھی بخوبی سرانجام دیا اور ایسا معلوم ہی نہیں ہورہا تھا کہ یہ گووندا ہی ہیں۔
شاہ رخ خان بالی ووڈ کے بادشاہ کے نام سے جانے جاتے ہیں انہوں نے بھارتی انڈسٹری میں ایک سے بڑھ کے ایک فلم

پیش کی وہ اپنی فلم تری مورتی اور ڈپلیکیٹ میں لڑکی کا کردار بھی اداکرچکے ہیں۔
عامر خان بالی ووڈ انڈسٹری میں مسٹر پرفیکٹ کے نام سے جانے جاتے ہیں اس کی وجہ سے ان کی متاثر کن اور نتیجہ خیز کہانی پر مبنی فلمیں، عامر خان نے فلم بازی میں ایک لڑکی کا روپ دھاراجس میں وہ کسی بھی طرح خوبصورت لڑکی سے کم نہیں لگ رہے تھے اور یہ کردار نبھانے پر انہوں نے اپنے مداحوں سے بے شمار داد سمیٹی۔

رتیش دیشمک نے اب تک متعدد فلموں میں لڑکی کا کردار ادا کیا ہے انہوں نے پہلی بار فلم اپنا سپنا منی منی میں لڑکی کا کردار ادا کیا تھا یہ ایک مزاحیہ فلم تھی اور اس میں رتیش دیشمک نے فی میل کے روپ میں بھی شاندار اداکاری کا مظاہرہ کیا۔
رشی کپور ایک نہایت خوبصورت اور معصوم سے دکھنے والے اداکار ہیں اور ان کی اداکاری بھی کافی دم دار ہوتی ہے لیکن جب انہوں نے فلم رفو چکر میں ایک لڑکی کا روپ دھارا تو کوئی انہیں پہچان بھی نہیں پارہا تھا کہ یہ وہی رشی کپور ہیں جنہیں وہ ہمیشہ دیکھتے آئے ہیں۔