یکم جون سے پٹرولیم مصنوعات کی قیمتوں میں اضافہ متوقع
یکم جون سے پٹرول ڈیڑھ روپے اور ڈیزل تین روپے اسی پیسے مہنگا ہونے کا امکان
اسلام آباد(یو این پی) اوگرا نے عالمی سطح پر پیٹرولیم مصنوعات کی قیمتوں میں اضافے کے پیش نظر یکم جون سے پٹرولیم کی قیمتوں میں اضافے کی سمری تیار کر لی ہے۔ سمری وزارت پٹرولیم کو ارسال کی جائے گی۔ ذرائع کے مطابق یکم جون سے پٹرول 1 روپے 50 پیسے، ہائی سپیڈ ڈیزل 3 روپے 80 پیسے، ہائی آکٹین 5 روپے 60 پیسے، مٹی کا تیل 3 روپے 40 پیسے اور لائٹ ڈیزل 2 روپے 90 پیسے فی لیٹر مہنگا ہونے کا امکان ہے۔