شادی کیلئے میٹرک کی شرط، 82 سالہ بھارتی 47 ویں بار بھی فیل

جے پور:(یو این پی) بھارتی شخص میٹرک میں فیل ہونے کی نصف سنچری کے قریب ہے ۔ شیو چرن اب بھی میٹرک کر کے شادی کرنا چاہتا ہے کہ عمر کی سنچری اور فیل ہونے کی نصف سنچری کے قریب پہنچنے والا بھارتی شہری انوکھا ریکارڈ بنانے کو ہے۔ راجستھان سے تعلق رکھنے والے 82 سالہ شیو چرن نے 47 بار میٹرک کا امتحان دیا لیکن کامیاب نہ ہو سکا۔ وہ 1969 سے لگا تار میٹرک کا امتحان دیتا آرہا ہے۔ جوانی کے دنوں میں شیو چرن نے وعدہ کیا تھا کہ وہ میٹرک کرنے کے بعد شادی کرے گا اور اب بھی وہ میٹرک پاس کر کے شادی کرنا چاہتا ہے۔